പത്തനംതിട്ട: ഒളിവിൽ കഴിയുന്ന രാഹുൽ മാങ്കൂട്ടത്തിലിനെ പിടികൂടാനായി തിരച്ചിൽ വ്യാപകമാക്കി പൊലീസ്. രാഹുലിനെ അന്വേഷിച്ച് പ്രത്യേക അന്വേഷണ സംഘം അടൂരിലുമെത്തി. രാഹുലിന്റെ സുഹൃത്ത് ഫെന്നി നൈനാന്റെ വീട്ടിലാണ് പൊലീസ് എത്തിയത്. പൊലീസ് എത്തിയ സമയം ഫെന്നി നൈനാൻ വീട്ടിലുണ്ടായിരുന്നില്ല. ഇതോടെ പൊലീസ് മടങ്ങിപ്പോയി. അതേസമയം പൊലീസ് സംഘം വീട്ടിൽ കയറി ഭീഷണിപ്പെടുത്തിയെന്ന് ഫെന്നി നൈനാൻ ആരോപിച്ചു.
ഇതേസമയം രാഹുൽ മാങ്കൂട്ടത്തിലിന്റെ ഡ്രൈവറിൽനിന്നും അന്വേഷണ സംഘം മൊഴി എടുക്കുകയാണ്. രാഹുലിന്റെ പാലക്കാട്ടെ ഫ്ളാറ്റിൽവെച്ചാണ് മൊഴി എടുക്കുന്നത്. വിവരശേഖരണമാണ് നടത്തുന്നതെന്ന് പൊലീസ് സംഘം അറിയിച്ചു.
Content Highlights: Search for Rahul Mamkootathil, police at Adoor